Decorative image of a kangaroo and joeyHi hi cu online in tuah asi i a man lo tein tuah a ngah. Sizung nih cun mah hi cu tuahpiak asi lai lo.

Chuah lehhmah (Birth certificate) ngahnak ding caah a chuahni kha chuahni cazin ah khumh/cazin tuin hrim a hau.

Chuah lehhmah nih cun nangmah le na fa kha a biapi mi atanglei bawmhchanhnak pawl kha ngah kho ding in an bawmh khawh hna:

  • cozah lei riantuannak/bawmhchanhnak le peknak pawl kong
  • sianginn lei kong
  • bank cauk/cazin pawl kong
  • passport kong
  • mawtaw mawnghnak licence le tax file number kong.

Chuah lehhmah cu cazin na khumh tik siloah a hnu deuh ah na ngah khawh colh. Chuah lehhmah tuahnak pawl caah pek herh ding mi te te (phaisa) a um lai.

Online cazin khumhnak form cu Mirang holh in asi i cuahcun tuah ding tete tampi a um:

  1. Nu le pa pakhat khat nih hika ah hei kal/lut law www.bdm.vic.gov.au/baby (External link) BDM account he khan cazin na tuah/khumh lai.
    Theihternak! ‘+’ hi a pawng let-kha-na te kha mobile phone na tuin lio ah na mobile phone number i a hramthawk cun country code (+61 cu Australia ca) ah khan na telh lai. Tahchunhnak ah +61430000000.
  2. Form i a hramthawk thencheu kha phih hna. Na fa kong, nangmah kong le a dang nu le pa kong kha adikthliah tein hal na si lai.
  3. Cucun kan mah nih pahnihnak a nu le pa sin ah an mah lei kap form kha online in phih ding in emial kan kuat hna lai.
    Abiapimi. Himnak caah ruahpiakmi pawl na ngeih sual asiahcun (tahchunhnak, innchungkhar velhnak/siknak he a pehtlaimi), chuahni lehhmah he khan statutory declaration (upadi he pehtlai tein thil sining kha tha tein langhternak) (online ah lak khawh asi) zeiruangahdah a dang nu le pa hi an rak i tel ve lo timi kha tha tein langhternak kha na tin chih lai.
    BDM nih cun a dang nu le pa kha chawnhbiak ding a herh hna lai. Nangmah lei in an in thihphaihnak siloah kut an zuannak/velhnak tehte na piah/pek khawh asiahcun, nangmah na catial nawl loin a dang nu le pa sin ah a zei contact pawl hmanh a dikthliah in kan theihter hna lai lo.
    Hmailei ca ruahnak siloah bawmhnak na herh asiahcun hika 1300 369 367 ah hin na chawnh khawh thiam.
  4. Pahnihnak nu le pa hna nih cun email in kan kuat mi hna link cu an hmeh lai i an mah tuah ding mi a dikthliah in khan online in an phih dih lai. Mah tuah mi nih cun cazin khumh (registration) cu atlinter/adihter ko.
  5. An mah lei tuah ding mi pawl an tuah dih cang asi ko ahcun nu le pa zong nih chuah lehhmah cun an cah/order khawh thiam.

BDM bawmhchanhnak/riantuannak pawl

Victoria ah na nunnak kongkau he a pehtlai mi pawl (life events) kha a dikthliah in cazin khumhnak kan tuah. Kan mah nih cun hi bantuk kongkau pawl caah lehhmah pawl zong kha kan tuah thiam ko.

Hi bantuk kongkau caah na kan chawnhbiak khawh

  • hngakchia chuahni cazin khumh ding le chuah lehhmah (birth certificate) pawl
  • thih lehhmah pawl (death certificates)
  • thitum lehhmah (marriage certificates)
  • chungkhar/pehtlaihnak cazin khumh ning le pehtlaihnak lehhmah/Eain-Thawng-Suh Cazin pawl
  • Victorian Marriage Registry (Victorian Thitumhnak Cazin) ah i thitumnak
  • min thlen nak
  • nu/pa sining fianternak.

Adang thawngpang le bawmhnak

Nangmah holh/bia in ruahnak peknak

BDM kha nangmah holh in chawnh na duh ahcun Holhlehhnak le Calehnak Riantuannak lei 13 14 50 ah hei chawn. Registry of Births, Deaths and Marriages Victoria kha chawnh ding caah 1300 369 367 ah an mah kha hal hna.

Rak kan chawn

1300 369 367 8am – 4pm Cacawn Nikhat ni in Ninga ni tiang (Mipi dinh ni pawl telh loin)

 

BDM website

Ah lut www.bdm.vic.gov.au law “Contact Us” timi kha dothlatnak tuah ding caah thim law hmet.

 

BDM Cazin lei Riantuannak Centre

Ground floor, 595 Collins Street Melbourne
8am – 4pm Cacawn Nikhat ni in Ninga ni tiang (Mipi dinh ni pawl telh loin)

 

Dinnak lei Riantuannak Centre pawl

Dinnak lei Riantuannak Centre pawl nih cun Victoria chung ah BDM bawmhnak/riantuannak pawl cu an pek/tuah dih. Tam deuh in theih na duh ah cun lut www.justice.vic.gov.au/service-locations (External link).